Fondu je nastao tokom 18. vijeka u Švajcarskoj. Pošto su porodice imale ograničen pristup svježoj hrani u zimskom periodu, nađen je način da se iskoriste stari sir i hljeb. Sir je zagrijevan sa vinom, bijelim lukom i aromatičnim biljkama, a zatim bi se stari hljeb umakao u ukusnu mešavinu. Tako je fondu postao švajcarska zimska tradicija.
Sastojci
- 250gr Gaude
- 250gr Edamera
- 2 kašike skroba
- 1 čaša bijelog vina
- kockice hljeba
- 1 čen bijelog luka
- 1 kašika limunovog soka.
Priprema recepta
Izrendati sir u posebnu posudu i umiješati 2 kašike skroba. Posudu za kuvanje istrljati čenom bijelog luka i sipati bijelo vino i limunov sok. Na tihoj vatri kuvati, kada se pojave prvi balončići polako ubaciti rendani sir uz miješanje. Smanjiti temperaturu na mimimum i viljuškama umakati kockice hleba u rastopljeni sir.
U mješavinu mogu prema ukusu da se ubace i začinske biljke, a uz hljeb mogu da se koriste i različite vrste povrća za umakanje.